2015 jylǵa qaraı Qazaqstannyń Bolondyq úrdiske enýi tolyǵymen aıaqtalady - Bilim mınıstri
ASTANA. Jeltoqsannyń 4-i. QazAqparat /Gúlmıra Álıakparova/ - 2015 jylǵa qaraı Qazaqstannyń Bolondyq úrdiske enýi tolyǵymen aıaqtalady. Bul týraly búgin ótken QR Bilim jáne ǵylym mınıstrliginiń alqa májilisinde vedomstvo basshysy Janseıit Túımebaev málim etti,
dep habarlaıdy QazAqparat.
J.Túımebaevtyń aıtýynsha, 2015 jylǵa qaraı ýnıversıtetterdiń 10 paıyzy halyqaralyq mamandandyrylǵan akkredıtteýden ótip, Astana qalasynda álemdik deńgeıdegi ýnıversıtet qyzmet atqaratyn bolady.
Al 2020 jylǵa qaraı Qazaqstan bilim berýdegi jańa tehnologııalardyń jetekshi provaıderine aınalmaq. Magıstrlerdi qabyldaý kólemin 12 500, al PhD doktoranttaryn - 2500 adamǵa deıin jetkizý josparlanyp otyr (qabyldaý 10 ese artady).
«Qazaqstannyń 2 joǵary oqý orny, onyń ishinde Astana ýnıversıteti álemniń jetekshi JOO-nyń reıtıngisine kiredi. Sóıtip, joǵary bilim berý júıesi elimizdiń bilikti mamandarǵa degen qajettilikterine jaýap beretin bolady», - dep atap ótti ol.
