2015 jylǵa qaraı Qazaqstanda MobileNumberPortability tehnologııasy engiziledi - QR KKM
ASTANA. 15 mamyr. QazAqparat - Taıaý eki jylda Qazaqstanda MobileNumberPortability (MNP) tehnologııasyn engizýdi josparladyq, ol nómirdi aýystyrmaı-aq basqa uıaly baılanys operatoryna kóshýge múmkindik beredi.
Bul týraly QR Kólik jáne kommýnıkatsııa vıtse-mınıstri Sáken Sársenov aıtty, dep habarlaıdy Primeminister.kz.
«Qazir biz oǵan kóshý boıynsha is-sharalar josparyn jasap jatyrmyz. 2 jyldan soń bul tehnologııany kezeń-kezeńmen engizýdi josparladyq. Nege kóptegen adamdar bir operatordan ekinshisine aýysqysy kelmeıdi? Óıtkeni, ózderi úırengen nómirdi aýystyrý qajet bolady. Al, MNP bir operatordan ekinshisine nómirdi, sonymen qatar 701, 777 jáne basqa da prefıksterdi saqtaı otyryp aýysýǵa múmkindik beredi. 2015 jylǵa qaraı bul tehnologııany búkil Qazaqstan boıynsha engizýdi josparlap otyrmyz», - dedi S.Sársenov.
Vıtse-mınıstrdiń aıtýynsha, MNP qanatqaqty rejımde aldymen Astanada 2014 jyldyń ortasynda engiziledi.
MNP tehnologııasy nemese nómirlerdiń «aýysýy» operatorlar arasynda básekelestikke jaǵdaı jasaıdy. «Іri operatorlar óz klıentterinen aırylǵysy kelmeı, óz tarıfteri jaıly oılanatyn bolady», - dep tolyqtyrdy KKM basshysynyń orynbasary.
