2015 jylǵa qaraı Qazaqstan sandyq televıdenıege kóshedi
ASTANA. 5 shilde. QazAqparat - 2015 jylǵa qaraı Qazaqstan sandyq televıdenıege kóshedi, dep habarlady QR Kólik jáne kommýnıkatsııa mınıstrliginiń baılanys salasyndaǵy memlekettik saıasat departamentiniń dırektory Vıtalıı ıAroshenko pm.kz. saıtyna bergen suhbatynda.
«2015 jyldan bastap DVB-T2 formatyndaǵy efırlik sandyq televıdenıe engizile bastaıdy», - dedi V.ıAroshenko.
Buǵan qosa onyń atap ótýinshe, atalǵan jobanyń elimizdiń 300 eldi mekenin, onyń ishinde Almaty, Astana, Qaraǵandy, Jezqazǵan jáne Jańaózendi qamtıtyn birinshi kezeńi júzege asa bastaıdy. 2015 jylǵa deıin spýtnıktik, efırlik jáne jer betindik televıdenıe barlyq halyqtyń 95 paıyzyn qamtıdy dep josparlanýda.
KKM baılanys salasyndaǵy memlekettik saıasat departamentiniń dırektory sandyq televıdenıeni engizýdiń artyqshylyqtaryna toqtala kele: «Sandyq televıdenıe sýretti anaǵurlym sapaly ári anyq kórsetedi, ony qoldanǵanda tek 1 radıo arna ǵana paıdalanylady. Bul basqa qajettilikterge jumsalýy múmkin radıojıilik spektrin tazalaýda artyqshylyqtarǵa ıe. Mysaly, mobıldi tehnologııanyń damýy. Búkil álem osy baǵytta qozǵalyp barady, Qazaqstan da alǵashqylardyń biri bolyp sandyq standarttardy engizýde», - dedi.
