2015 jylǵa qaraı EUÝ-da 10 myń stýdentke arnalǵan «Stýdenttik úı» kesheni salynady - rektor E.Sydyqov
ASTANA. 9 aqpan. QazAqparat - 2015 jylǵa qaraı L.Gýmılev atyndaǵy Eýrazııa Ulttyq ýnıversıtetinde 10 myń stýdentke arnalǵan «Stýdenttik úı» kesheni salynady.
Bul týraly búgin Astanada ótken jıynda L.Gýmılev atyndaǵy Eýrazııa Ulttyq ýnıversıtetiniń rektory Erlan Sydyqov málim etti.
Onyń habarlaýynsha, qazirgi kezde qujattardy ázirleý jumystary atqarylady. «Qarjysy bólinedi. Kelesi jyly qurylys jumystaryn bastap, 2015 jylǵa qaraı ony tolyǵymen aıaqtaý josparlanyp otyr. Ol jerde mádenı-áleýmettik oryndar - dúkender, emhanalar, balabaqshalar jáne taǵy basqa nysandar salynady», - deıdi E.Sydyqov.
