2015 jylǵa qaraı elimizdiń barlyq joǵary oqý oryndary derbes bilim berý uıymyna aınalýy tıis - QR BǴM
ASTANA. 14 qyrkúıek. QazAqparat - 2015 jylǵa qaraı elimizdiń barlyq joǵary oqý oryndary derbes bilim berý uıymyna aınalýy tıis.
Bul týraly búgin S.Seıfýllın atyndaǵy Qazaq agrotehnıkalyq ýnıversıtetinde bolǵan QR Bilim jáne ǵylym mınıstri Baqytjan Jumaǵulov aıtty.
Onyń paıymynsha, búginde ýnıversıtetterdi basqarý múldem bólek jańa syzba boıynsha qalyptasýy tıis. Qazirdiń ózinde 4 ulttyq ýnıversıteti baqylaý keńesi, al 60 JOO-da qamqorshylyq keńesi qurylǵan.
«Qazirgi ýaqytta biz bul keńester mamandardy daıyndaý sapasyn arttyrýda óz rólin tıgizýi úshin jumys isteýdemiz. ıAǵnı, dál osy qamqorshylyq keńesteri JOO rektoryn taǵaıyndaýda usynys berýden bastap, qarjylyq-sharýashylyq qyzmetine deıingi kóptegen máselelerdi sheshýi qajet», - dedi B.Jumaǵulov.
Sonymen qatar ol: «Qazaqstannyń barlyq joǵary oqý oryndary 2015 jyldan bastap órkenıetti damyǵan elderde qabyldanǵandaı bilim berýdiń derbes uıymyna aınalýy tıis»,- dedi.
