2015 jylǵa qaraı bilim berýdiń barlyq deńgeıinde jan basyna qarjylandyrý tetigi engiziledi

«Memlekettik baǵdarlamanyń basty mindeti -2015 jylǵa qaraı bilim berýdiń barlyq deńgeıinde jan basyna qarjylandyrý tetigin engizý. «Bilim týraly» Zańǵa barlyq qajetti tolyqtyrýlar engizildi. Atalǵan tolyqtyrýlar jan basyna qarjylandyrý tetigin orta, tehnıkalyq jáne kásiptik bilim berý uıymdaryna da paıdalanýǵa múmkindik beredi», - dep atap ótti búgin Bilim jáne ǵylym mınıstrliginiń keńeıtilgen alqa májilisinde vedomstvo basshysy Baqytjan Jumaǵulov.

Mınıstr, atalǵan mehanızmdi bıyl Aqmola, Shyǵys Qazaqstan, Mańǵystaý, Pavlodar jáne Ońtústik Qazaqstan oblystarynda synaqtan ótkizýdi tapsyrdy.

«Bul memleket qarajatynyń tıimdiligin jańa deńgeıge jetkizýdi qamtamasyz etedi. Sonymen qatar, bilim salasyndaǵy, ásirese, mektepke deıingi tárbıe men oqytý júıesindegi memlekettik-jekemenshik áriptestiktiń negizine aınalady», - dedi mınıstr.

B. Jumaǵulovtyń aıtýynsha, mınıstrlik atalmysh qarjylandyrýdyń tetikterin esepteý ádistemesin ázirledi.

«Jan basyna qarjylandyrý júıesin orta bilim salasyna engizý - ǵalamat jetistik. «Sondyqtan, bul júıeni engizýge jan-jaqty daıyndyq kerek. Ózimizdi ǵana emes, qoǵamdy, buqaralyq aqparat quraldaryn, pedagogıkalyq korpýsty daıyndaý qajet. Barlyq yqtımal qaterlerdi aldyn ala eseptep, qajetti sharalardy qabyldaýǵa tıispiz», - dedi vedomstvo basshysy.   

«AQSh, Shvetsııa, Danııa, Kanada sııaqty elderdiń tájirıbesine súıensek, jan basyna qarjylandyrý asa tıimdi. Ol mekteptegi bilim sapasyn arttyrýǵa jáne barlyq aımaqtardy teńestirýge múmkindik beredi. Bizde de osylaı bolýy tıis», - dep naqtylady ol.