2015 jylǵa qaraı Astanadaǵy jumyssyzdyqtyń deńgeıi 5,5 paıyzǵa tómendeıdi
ANA. 24 aqpan. QazAqparat /Arman Asqarov/ - Elbasy Nursultan Nazarbaevtyń Joldaýy aıasynda ázirlengen «Jumyspen qamtý - 2020» memlekettik baǵdarlamasyn iske asyrýdyń nátıjesinde 2015 jylǵa qaraı Astanadaǵy jumyssyzdyqtyń deńgeıi 5,5 paıyzǵa tómendeıdi degen boljam bar.
Bul týraly búgin Astana qalasynyń máslıhatynda baıandama jasaǵan Astana qalasynyń Jumyspen qamtý jáne áleýmettik baǵdarlamalar basqarmasynyń bastyǵy Alma Altybaeva málim etti.
«Ol kezde jumyssyzdyq deńgeıiniń tómendeýimen birge eńbek resýrstarynyń sapasy artady», - deıdi A.Altybeva. Basqarma jetekshisi atap kórsetkendeı, aǵymdaǵy jyly «Jumyspen qamtý - 2020» memlekettik baǵdarlamasynyń alǵashqy kezeńi ilki joba retinde júzege asyrylmaq. Baǵdarlama aıasynda Astana qalasynyń ákimdigine respýblıkalyq bıýdjetten 54,3 mln. teńge bólinip otyr.
Aıta keteıik, Astana qalasynyń Statıstıka departamentiniń málimeti boıynsha 2006 jyly elordadaǵy jumyssyzdyqtyń deńgeıi 6,6 paıyz bolǵan. Ótken 2010 jylda bul kórsetkish 5,9 paıyzdy qurady.
