2015 jylǵa qaraı álemde «balalar VICh ınfektsııasymen týylmaýy kerek» - halyqaralyq qor
ASTANA. Naýryzdyń 9-y. QazAqparat - SPID-pen, týberkýlezben jáne bezgekpen kúres jónindegi dúnıejúzilik qor, 2015 jylǵa qaraı VICh-ınfektsııasynyń úsh jolynyń birin - júkti anadan nárestege berilý jolyn túp-tamyrymen joımaq nıette,
dep habarlaıdy VVS telekompanııasy.
Qor jarııa etken baıandamada, densaýlyq saqtaý baǵdarlamalaryn qarjylandyrý kórsetkishi qazirgi deńgeıge saqtalyp, al saladaǵy ǵylymı zertteýler qazirgi qarqynmen jalǵasyn tapsa, osynaý maqsatqa qol jetkizýge bolatyny aıtylǵan. Oǵan qosa qujatta, aldaǵy onjyldyqta bezgek oshaqtaryn da jeńýge bolatyny habarlanyp otyr.
«Adamnyń qorǵanysh tapshylyǵy qozdyrǵyshymen (VICh) birde-bir bala týylmaıtyn kezeń 2015 jyly týýy múmkin», deıdi qor basshysy Mıshel Kazachkın.
Baıandama avtorlary, 2009 jyly qordyń jumysy kún saıyn eń az degende 3600 adamnyń ómirin saqtaýǵa qómekteskenine senimdi. Al jumys istegen 7 jylda qordyń kómegimen 5 mıllıonǵa jýyq adamnyń ómiri saqtalyp qalǵan.
