2015 jylǵa deıin jol-kólik apattaryn 8 paıyzǵa deıin tómendetý kózdelgen - Á. Qusaıynov
ASTANA Qyrkúıektiń 8-i. QazAqparat /Arman Asqarov/ - Elimizdiń kólik salasyndaǵy jol qaýipsizdigi is-sharalaryn qolǵa alýdyń arqasynda 2015 jylǵa deıin jol-kólik apttaryn 8 paıyzǵa deıin tómendetý kózdelgen. Bul týraly Úkimettiń búgingi otyrysynda QR Kólik jáne kommýnıkatsııa mınıstri Ábilǵazy Qusaıynov málim etti.
Mınıstrdiń sózine qaraǵanda, 2010-2014 jyldarǵa arnalǵan elimizdiń kólik ınfraqurylymyn damytý salasyndaǵy salalyq baǵdarlama aıasynda respýblıkalyq mańyzy bar joldardyń 5,5 myń shaqyrymy qaıta jańartylyp, 6 myń shaqyrymy jóndeletin bolady. Sondaı-aq, jergilikti mańyzy bar joldardyń 10 myń shaqyrymy qaıta jóndeledi.
Jańa Kendirli áýejaıy salynyp elimizdiń áýe kólik parkin 18 áýe ushaǵymen tolyqtyrý josparlanǵan. Osylaısha, 2015 jylǵa deıin áýe ushaqtarynyń sany 45 birlikke deıin artady. «Elimizdiń kólik salasyndaǵy jol qaýipsizdigi is-sharalaryn qolǵa alýdyń arqasynda 2015 jylǵa deıin jol-kólik apttaryn 8 paıyzǵa deıin tómendetý kózdelgen», dep atap kórsetti Á. Qusaıynov.
