2015 jylǵa deıin operatorlar arasyndaǵy uıaly baılanys tarıfi 40 paıyzǵa tómendeıdi

ASTANA. 13 maýsym. QazAqparat /Rýslan Ǵabbasov/ - 2015 jylǵa deıin operatorlar arasyndaǵy uıaly baılanys tarıfi jyl saıyn 10 paıyzǵa tómendep otyrady. Bul týraly búgin Úkimet otyrysynda Baılanys jáne aqparat mınıstri Asqar Jumaǵalıev málim etti.

«Bul qyzmet túri rettelmeıtinin eskere otyryp, biz uıaly baılanys operatorlarymen aldaǵy tórt jylda atalǵan tarıfterdi 40 paıyzǵa tómendetýdi qarastyrdyq. 2011 jyly tarıfti tómendetý shamamen 20 paıyz boldy. Aldaǵy jyldary 10 paıyzdan tómendetilip otyrady»,-dep atap ótti mınıstr.

A. Jumaǵalıevtiń sózine qaraǵanda, mınıstrlik pen QR Tabıǵı monopolııalardy retteý agenttigi ózara keńese otyryp atalǵan qyzmet túrin retteletin qyzmetke jatqyzý túsinigin aıqyndady.