2015 jylǵa deıin elimizdiń barlyq aımaqtary jyljymaly jol zerthanalarymen jabdyqtalady
ASTANA. 15 qarasha. QazAqparat - Ol týraly Kólik jáne kommýnıkatsııa mınıstri Asqar Jumaǵalıev Soltústik Qazaqstan oblysynda bolǵan is sapary barysynda aıtty. Sonymen birge mınıstr aǵymdaǵy jyldyń shilde aıynda jyljymaly zerthanalarmen úsh «Obljolzerthanalary» jabdyqtalǵanyn, al kelesi jyly olardyń sanyn 11-ge deıin kóbeıtý josparlanǵanyn belgiledi.
Jyljymaly zerthana tolyǵymen avtomattandyrylǵan. Ol daıyn jol obektilerin zertteýge arnalǵan.
«Bul mashına arnaıy qondyrǵylarmen jabdyqtalǵan. Qozǵalys kezinde ol beınetúsirilim jasap, jol tóseminiń talaptarǵa saı túzýligi jáne eńisteri sııaqty sıpattamalardy anyqtaıdy. Mańyzdysy, baqylaý nátıjeleri birden ortalyqqa túsip, taldaý ótkiziledi. ıAǵnı joldy qabyldaý kezinde jasalǵan jumystar sapasy tekserisine jaýapty sarapshy olardy ózgerte almaıdy».
Osydan basqa Asqar Jumaǵalıev «QazjolǴZI» úshin alynatyn taǵy bir zerthanalyq keshen týraly aıtty. Mınıstrdiń aıtýynsha, onyń kómegimen jetildirilgen jol tósemi zertteýlerin tez ótkizýge bolady. Atap aıtqanda, joldyń salmaq túsý qabilettiligin, qabat qalyndyǵyn jáne jol qurylymyn anyqtaıdy.
Zerthana jol qurylymynyń kúıi jónindegi tereńdetilgen naqty málimetterdi alýǵa kómek jasap, qajet jóndeý jumystary týraly usynym jasaıdy. Odan basqa ony jol qurylysy kezinde paıdalanýǵa bolady. Sebebi zertteý kezinde alynǵan aqparat joba kezeńinde jasalǵan qatelikterdi anyqtaýǵa múmkindik beredi. Bul týraly QR Kólik jáne kommýnıkatsııa mınıstrliginiń baspasóz qyzmetinen habarlady.
.
