2015 jylǵa deıin elimizdiń árbir otbasyna sapaly telefon baılanysy men ınternet qyzmeti tolyq usynylady
Bul týraly búgin QR Parlamenti Senatynyń depýtattarymen kezdesý barysynda Baılanys jáne aqparat mınıstri Asqar Jumaǵalıev málim etti.
Esterińizge sala keteıik, Elbasynyń tapsyrmalaryna sáıkes, Baılanys jáne aqparat mınıstrligi birqatar jobalardy júzege asyryp keledi. Solardyń mańyzdy bir tarmaǵy elimizdiń telekommýnıkatsııa salasyn damytýǵa qatysty bolyp tabylady. «Bul salanyń dittegen basty maqsaty - 2015 jylǵa deıin elimizdiń barlyq óńirlerine, shalǵaıdaǵy aýyldaryna, sonyń ishinde árbir otbasyna telefon baılanysy men sapaly ınternet qyzmetin usyný bolyp tabylady. Bul rette baılanys salasynda 2015 jylǵa deıin birqatar ındıkatorlar kózdelip otyr. Atap aıtqanda, telefon baılanysyndaǵy sandyq deńgeıdi 100 paıyzǵa qamtý, onyń ishinde telefon baılanysyna qatysty tyǵyzdyqty 27 paıyzǵa jetkizý kózdeledi», - dedi Baılanys jáne aqparat mınıstri A. Jumaǵalıev. Mınıstrdiń aıtýynsha, atalǵan merzim ishinde elimizde keńjolaqty ınternetti paıdalanýshy abonentterdiń tyǵyzdyǵy 22 paıyzǵa jetse, uıaly baılanys abonentteriniń tyǵyzdyǵy 135 paıyzdy quraıtyn bolady.
