2015 jylǵa deıin elimizde 4 tergeý oqshaýlaǵyshy salynady
ASTANA. Sáýirdiń 7-si. QazAqparat /Aıdar Ospanalıev/ - 2015 jylǵa deıin elimizde 4 tergeý oqshaýlyǵyshy salynady. Sondaı-aq 3 óndiris nysany men 1 qoldanystaǵy mekemeni túzeý kolonııalaryna aınaldyrý kózdelip otyr. Bul týraly búgin jýrnalıstermen bolǵan baspasóz máslıhatynda Ádilet mınıstrliginiń resmı ókili Erbolat Erimbet málim etti,
dep habarlaıdy QazAqparat.
Onyń aıtýynsha, elimizdiń bas bostandyǵynan aıyrý oryndaryndaǵy azamattardy emdeý men olardyń sanıtarlyq jaǵdaılaryn jetildirý maqsatynda Ádilet mınıstrligi qylmystyq-atqarý júıesiniń medıtsınalyq qyzmetin Densaýlyq saqtaý mınıstrliginiń quzyryna berýdi kózdep otyr. «Atalmysh shara qamaýda otyrǵandarǵa kórsetiletin medıtsınalyq qyzmetterdiń sapasyn arttyryp, medıtsına mamandaryn qylmystyq-atqarý júıesi ákimshiliginen bólek ustaýǵa múmkindik beredi», dedi resmı ókil.
Sondaı-aq ol sózinde elimizde qylmystyq-atqarý ınspektorlarynyń sany kelesi jyldan bastap kezeń-kezeńimen arttyrylatyndyǵyn atap ótti. Sebebi osy ýaqytta qyzmet etip jatqan ınspektorlar sany bas bostandyǵynan aıyrýmen baılanysty emes jazalardy júzege asyrýǵa jetpeıdi. «Búginde elimizde bas bostandyǵynan aıyrýǵa jatpaıtyn jazaǵa kesilgender 22 myń 530 adamdy qurap otyr», dedi E.Erimbet.
