2015 jylǵa deıin 120 myń pedagog biliktiligin arttyrady - Baqytjan Jumaǵulov

ASTANA. 5 naýryz. QazAqparat - 2015 jylǵa deıin 120 myń pedagog biliktiligin arttyrady.

Bul týraly búgin «Nur Otan» HDP-nyń saılaýaldy tuǵyrnamasynyń oryndalý máselesine arnalǵan Úkimettiń selektorlyq rejimdegi otyrysynda Bilim jáne ǵylym mınıstri Baqytjan Jumaǵulov aıtty.

Onyń atap ótýinshe, Kembrıdj baǵdarlamasy boıynsha muǵalimder biliktiligin arttyrýdyń jańa júıesi qurylǵan.

«Qazirdiń ózinde 8 myń muǵalim biliktiligin arttyrdy. Olar jalaqysyna aıtarlyqtaı qosymsha ala bastady. 2015 jylǵa deıin 120 myń pedagog biliktiligin arttyratyn bolady»,-dedi B. Jumaǵulov.

Sondaı-aq, mınıstrdiń atap ótýinshe, elimizde Nazarbaev zııatkerlik mektepteriniń sany artýda. Qazirgi ýaqytta osyndaı 11 mektep jumys isteýde. Olardyń tájirıbesi Qazaqstannyń barlyq mektepterine taratylatyn bolady.