2015 jylǵa deıin 100 stýdenttik jataqhana salynady

Bul týraly búgin Astanada jastar uıymdarynyń basshylarymen kezdesip, Memlekettik jastar saıasatynyń 2020 jylǵa deıingi tujyrymdama jobasyn talqylaý barysynda QR Bilim jáne ǵylym mınıstrliginiń Jaýapty hatshysy Álııa Ǵalymova  málim etti.

«Aıta keterligi, búgingi tańda bizdiń mınıstrlik «Stýdenttik baspana» jobasymen belsendi túrde aınalysa bastady. Osy baǵytta Astana men Almaty qalalarynda, elimizdiń basqa da óńirlerinde stýdent jataqhanalarynyń qurylysyna qatysty keshendi is-sharalar jospary bekitildi. Sondyqtan da, joǵary oqý oryndarynda, kolledjde oqıtyn stýdentterdi baspanamen qamtamasyz etý úshin  2015 jylǵa deıin 100 jataqhana salynatyn bolady», - deıdi Á. Ǵalymova.

Onyń aıtýyna qaraǵanda, qazirdiń ózinde elimizdegi 7 joǵary oqý oryndarynda jatahqanalar qurylysy qolǵa alynǵan. «Sondyqtan da, stýdentterdi baspanamen qamtý máselesi keleshekte tolyq sheshimin tabatyndyǵyna senim mol», - deıdi Jaýapty hatshy.