2015 jyldyń sońyna qaraı munaı baǵasy 70 dollar bolýy múmkin
ASTANA. QazAqparat - Aǵymdaǵy jyldyń sońyna deıin munaı barreliniń álemdik baǵasy 70 dollarǵa deıin jetýi múmkin. Mundaı boljamdy beısenbi kúni Iraktyń munaı mınıstri Ádel Ábdel Mahdı Reuters agenttigine bergen suhbatynda aıtty.
«Qańtar aıynda baǵa eń tómengi deńgeıge tústi, ary qaraı quldyraýy múmkin emes. Qazir onyń quny baıaý bolsa da ósip keledi. Munaı qymbattap, osy jyldyń sońyna deıin 70 dollarǵa deıin jetýi múmkin», - dedi ol. Adel Abdel Mahdı Iemendegi daǵdarystyń ýshyǵýynan munaıdyń qymbattaýy kópke sozylmaıdy dep esepteıdi, dep habarlady TASS. «Árına, Iemendegi daǵdarys syndy saıası máseleler munaı baǵasyn qymbattatady, alaıda bul ýaqytsha ǵana», - dedi ol.
