2015 jyldyń qańtarynda Investıtsııalar jáne damý mınıstrliginde jemqorlyq áreketterdiń bar-joǵy tekseriledi
ASTANA. QazAqparat - QR Memlekettik qyzmet isteri jáne jemqorlyqqa qarsy is-qımyl agenttigi qańtar aıynda Investııalar jáne damý mınıstrliginde jemqorlyq áreketerdiń bar-joǵyn tekserý úshin jumystar júrgizedi, dep habarlady agenttiktiń baspasóz qyzmetinen.
Búgin Qazaqstan Respýblıkasynyń Memlekettik qyzmet isteri jáne jemqorlyqqa qarsy is-qımyl agenttigi niń janyndaǵy qoǵamdyq keńestiń birinshi otyrysy bolyp ótti. Onyń jumysyna depýtattar, qoǵamdyq uıymdardyń jáne kásipkerler palatasynyń ókilderi qatysty.
Agenttik tóraǵasy Qaırat Qojamjarov jıyn barysynda alǵash ret júıe negizine sybaılas jemqorlyq táýekelderin taldaý jáne anyqtaý jumystary engiziletinin atap ótti, osyǵan baılanysty agenttikte tıisti basqarma quryldy. Qurylǵan Sybaılas jemqorlyqqa qarsy aǵartý jáne qoǵamdastyqpen ózara is-áreket basqarmasy halyqty sybaılas jemqorlyq týraly aqparattandyrý deńgeıin arttyrý jáne azamattardy agenttik jobalaryna tartý jumystaryn úılestirýmen aınalysatyn bolady.
2015 jylǵy qańtardan bastap sybaılas jemqorlyqqa qarsy qyzmet mamandary Investıtsııa jáne damý mınıstrligi men onyń aýmaqtyq bólimsheleriniń mamandarymen biresip, atalmysh vedomstvonyń jaǵdaıyn zerdeleýge kirisedi.
Budan basqa, Qaırat Qojamjarov 2015 jyly «E-qyzmet» ıntegratsııalanǵan aqparattyq júıesin paıdalaný iske qosylatynyn málimdedi, ony paıdalaný memlekettik qyzmetshilerdi taǵaıyndaý jáne olardyń qyzmetin ósirý kezinde sybaılas jemqorlyq kórinisterin azaıtýǵa múmkindik beredi.
