2015 jyldyń birinshi jartyjyldyǵynda áskerı sottar 171 tulǵany sottady - QR Áskerı soty
ASTANA. QazAqparat - 2015 birinshi jartyjyldyǵynda áskerı sottar 171 tulǵany sottady. Bul týraly búgin aǵymdaǵy jyldyń birinshi jartyjyldyǵyn qorytyndylaýǵa arnalǵan baspasóz máslıhatynda QR Áskerı sotynyń tóraǵasy Sáken Abdýllaev málim etti.
«Aǵymdaǵy jyldyń alǵashqy jartyjyldyǵynda Qazaqstan Respýblıkasynyń áskerı sottarymen 171 tulǵa sottaldy. Sonyń ishinde naqty bas bostandyǵynan aıyrylǵandar sany 36 tulǵany quraıdy. Bul rette jazalaý praktıkasynyń úlesi 21 paıyzdy quraıdy», - dedi basqosýda sot tóraǵasy Sáken Abdýllaev.
Onyń aıtýynsha, ótken kezeńde apellıatsııalyq ınstantsııamen sot úkimderiniń kúshin joıý oryn alǵan joq, al alty is boıynsha alty tulǵaǵa úkim ózgertilgen. Al kassatsııalyq ınstantsııamen bir úkim ózgertilse, birinshi ınstantsııanyń qaraǵan on bir isi boıynsha úkimder ózgertildi.
