2015 jyldyń aıaǵyna deıin Qazaqstanda myńnan astam úlesker óz páterlerin alady
ASTANA. QazAqparat - Bıyldyń sońyna deıin Qazaqstanda myńnan astam úlesker ózderiniń páterlerin alady. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Ulttyq ekonomıka vıtse-mınıstri Qaıyrbek Óskenbaev málim etti.
«14 nysannyń qurylysyn aıaqtaý (1664 úlesker) jumystary qaldy. ıAǵnı, biz bul turǵyda árbir adamnyń aty-jónin naqty bilemiz jáne úıin alýǵa úmitti barlyǵy qamtylǵan. Osy másele erekshe baqylaýda tur. 2015 jyldyń sońyna deıin 9 nysannyń qurylysy (1153 úlesker) aıaqtalmaq, sondaı-aq 2016 jylǵa 551 úleskerge tıesili 5 nysan qalady», - dedi mınıstrdiń orynbasary.
Osy oraıda ol álemdik qarjy daǵdarys kezinde 64 300 úleskerdiń páterlerin salý boıynsha qıyndyqtar týyndaǵanyn eske salyp ótti. Memleket basshysynyń tapsyrmasy boıynsha úlestik qurylys nysandaryn támamdaý úshin qajetti qarjy tabylyp, nátıjesinde 62 700 úleskerdiń problemasy sheshildi.
