2015 jyldyń 31 naýryzy - 7 sáýiri aralyǵynda negizgi azyq-túlik baǵalary qalaı ózgerdi?
ASTANA. QazAqparat - «Qazagromarketıng» AQ-nyń el aımaqtary boıynsha azyq-túlik baǵalaryna júrgizgen monıtorıngi 2015 jyldyń 31 naýryzy - 7 sáýiri aralyǵynda bólshek saýda baǵalarynyń birshama ózgergenin anyqtady.
Atap aıtqanda, kompanııa málimetteri boıynsha atalǵan merzim ishinde bakaleıa, sút jáne et ónimderi baǵasynyń aıtarlyqtaı ózgerisi (10 paıyzdan artyq) baıqalmady. Al jemis-kókónis ónimderiniń baǵasy mynadaı ózgeristerge ushyrady:
- Shymkentte qııar 13%-ǵa kelisine 353-ten 400 teńgege deıin qymbattady. Baǵa ósimine ónimniń Ózbekstannan ákeliný kóleminiń azaıýy men kóterme saýda baǵalarynyń 35 paıyzǵa qymbattaýy sebep boldy. Al Aqtóbe qalasynda qııar kerisinshe 10 paıyzǵa kelisine 510 teńgeden 457 teńgege deıin arzandaǵan. Baǵanyń tómendeýine ónimdi jetkizý kóleminiń artýy men kóterme saýda baǵasynyń 5 paıyzǵa túsýi sebep bolǵan. Atyraý qalasynda oramjapyraq 10 paıyzǵa, ıaǵnı kelisine 100-den 90 teńgege deıin arzandady. Oǵan ónimdi jetkizý kóleminiń artýy men kóterme saýda baǵasynyń 8 paıyzǵa deıin arzandaýy áser etken.
Budan bólek, Astanada mandarınder 14 paıyzǵa, kelisine 400 teńgeden 457 teńgege deıin qymbattap otyr. Baǵa ósimine satylymda arzanyraq Pákistannan ákelinetin ónimniń azaıýy men kóterme saýda baǵasynyń 235 teńgedn 293 teńgege deıin kóterilýi sebep bolǵan. Qaraǵandyda lımon 10 paıyzǵa arzandap, kelisi 452 teńgege arzandaǵan. Baǵanyń tómendeýine ónimge degen tutynýshylyq suranystyń azaıýy men saýdagerlerdiń ústeme baǵany azaıtýy sebep boldy. «Balyq ónimderi baǵasy mynadaı ózgeristerge ushyrady: Shymkentte móńke 11 paıyzǵa nemese kelisine 300 teńgege deıin qymbattap otyr. Buǵan kóterme saýda baǵasynyń kóterilýi men balyq aýlaýǵa tyıym salynatyn kezeńniń bastalýy sebep bolǵan. Al Óskemende shortan 20 paıyzǵa qymbattap, kelisi 300 teńgeden satyla bastady. Baǵa ósimine ónimdi jetkizý kóleminiń azaıýy men satylymda taýardyń azaıýy sebep bolyp otyr», delingen baspasóz baıanynda. Eske sala keteıik, «Qazagromarketıng» AQ apta saıyn ár seısenbi kúni azyq-túliktiń 66 túri boıynsha elimizdiń barlyq oblystarynda jáne Astana, Almaty qalalarynda baǵa monıtorıngin júrgizedi.
