2015 jyldyń 17-24 naýryzy aralyǵynda negizgi azyq-túlik baǵalary qalaı ózgerdi?
Atap aıtqanda, esepti kezeńde Almatyda pııaz baǵasy 14 paıyzǵa kelisi 99 teńgeden 113 teńgege deıin qymbattaǵan. Pııaz baǵasynyń ulǵaıýyna jetkizilim mólsheriniń azaıýy men kóterme saýda baǵalarynyń 4 paıyzǵa, kelisine 54-ten 56 teńgege qymbattaýy sebep boldy.
Sonymen qatar, osy ýaqyt aralyǵynda Shymkentte qııar baǵasy 13 paıyzǵa, ıaǵnı kelisine 400 teńgeden 350 teńgege arzandaǵan. Baǵanyń arzandaýyna naryqtyń ónimmen tolyǵýy jáne kóterme saýda baǵasynyń19 paıyzǵa, kelisine 320 teńgeden 260 teńgege deıin tómendeýi sebep bolǵan.
«Ózge azyq-túlik ónimderiniń baǵasy aıtarlyqtaı (10 paıyzdan artyq) ózgergen joq. «Qazagromarketıng» kompanııasy apta saıyn ár seısenbi kúni azyq-túlik taǵamdarynyń 66 túri boıynsha elimizdiń barlyq oblys ortalyqtary men Astana, Almaty qalalarynda baǵa monıtorıngin júrgizedi», - delingen baspasóz baıanynda.