2015 jyldyń 1 sáýirinen Qazaqstanda tarıf qalyptastyrýdyń jańa ádisi engiziledi
ASTANA. QazAqparat - 2015 jyldyń 1 sáýirinen Qazaqstanda tarıf qalyptastyrýdyń jańa ádisi engiziledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Ulttyq ekonomıka birinshi vıtse-mınıstri Marat Qusaıynov málim etti.
«Tabıǵı monopolııalar sýbektileri ınvestıtsııalyq baǵdarlamalarynyń daıyndyǵyn eskere otyryp, tarıf qalyptastyrýdyń jańa ádisine kóshý 2015 jyldyń 1 sáýirinde bastalady», - dedi M.Qusaıynov.
Onyń aıtýynsha, 2020 jylǵa deıingi tabıǵı monopolııalar salalaryndaǵy tarıftik saıasat jónindegi baǵdarlamany iske asyrý tarıfterdiń turaqtylyǵy men boljamdylyǵyn qamtamasyz etýge, turǵyn úı-kommýnaldyq sharýashylyq salasyna qosymsha jeke ınvestorlardy tartýǵa, sýbektige jáne retteýshi memlekettik organǵa memlekettik retteýdiń ákimshilik júktemesin azaıtýǵa, tutynýshyǵa júktemeni birkelki berýge, tabıǵı monopolııalar salalarynda tozý men ysyraptar deńgeıin tómendetýge múmkindik beredi.
