2015 jyldyń 1 maýsymyndaǵy JІÓ ósimi 2,3% qurady - QR Ulttyq banki
ASTANA. QazAqparat - Syrtqy ekonomıkanyń qolaısyzdyǵyna qaramastan Qazaqstan ekonomıkasy ósip keledi. 2015 jyldyń 1 maýsymyndaǵy JІÓ ósimi 2,3% qurady.
Bul týraly OKQ baspasóz máslıhatynda Ulttyq bank tóraǵasy Qaırat Kelimbetov aıtty.
«Úkimettiń jospary boıynsha osy ýaqyt aralyǵyna shamamen eki paıyzdyq ekonomıkalyq ósim josparlanǵan bolatyn», - dep atap ótti ol. Bank málimetteri boıynsha, jyldyq ınflıatsııa 7,4 paıyzdy qurasa, maýsym aıynda 3,9% boldy. Aqpan-maýsym aılary aralyǵynda ınflıatsııalyq protsester azaıdy. Aqpanda - (6,1%), maýsymda - (3,9%). "Bul -Úkimet pen Ulttyq banktiń baǵa turaqtylyǵyn qamtamasyz etý, munaıdyń álemdik baǵasynyń arzandaýyna jáne negizgi saýda seriktesterdiń ulttyq valıýtalarynyń álsireýine qaramastan aıyrbas baǵasynyń turaqtylyǵyn saqtaýǵa qatysty birikken is-qımyldarynyń arqasynda múmkin boldy", - delingen habarlamada. Sondaı-aq banktiń málimetinshe, EAES sheńberindegi seriktesterimizdiń barlyǵynda ınflıatsııa óte joǵary. RF-da - 15,8% (2014 - 11,4%), Belorýssııada - 13,7% (18,1%), Qyrǵyzstanda - 6,0% (8,5%), Armenııada - 5,1% (4,6%).
