2015 jyldyń 1 qańtarymen salystyrǵanda saılaýshylar tizimi 213 myń adamǵa kóbeıdi - QR OSK tóraǵasy

ASTANA. QazAqparat - 2015 jyldyń 1 qańtarymen salystyrǵanda saılaýshylar tizimi 213 myń adamǵa kóbeıdi. Bul týraly búgin Ózbekstan OSK tóraǵasy Mırza-Ýlýgbek Abdýsalomovpen kezdesken QR Ortalyq saılaý komıssııasynyń tóraǵasy Qýandyq Turǵanqulov aıtty.

«2015 jyldyń 1 qańtarymen salystyrǵanda saılaýshylar tizimi 213 myń adamǵa kóbeıdi. Bul aıtarlyqtaı san jáne ol saılaý jarııa etilgennen bastap búgingi kúnge deıingi atqarylǵan jumystardyń nátıjesi. Tizimdi naqtylaý jumystary jalǵasýda», - dedi Q.Turǵanqulov.

Sonymen qatar ol saılaý ýchaskesine kelgenimen, tizimnen ózderiniń aty-jónderin taba almaǵan azamattardyń konstıtýtsııalq quqyǵyn qamtamasyz etýge baǵyttaǵan sharalardyń atqarylǵanyn da atap ótti.

«Biz saılaý ýchaskelerinde Halyqqa qyzmet kórsetý ortalyqtarymen tikeleı jeli uıymdastyrdyq. ıAǵnı, saılaý ýchaskelerindegi HQKO-larmen telefon, elektrondy poshta arqyly baılanysqa shyǵyp, sol jerden turǵylyqty mekenjaıy týraly anyqtama alý arqyly saılaý bıýlletenine qosylýyna bolady», - dedi ol.

QR OSK tóraǵasy sonymen qatar sý tasqynyna baılanysty qaýipsiz jerge kóshirilgen azamattardyń daýys berý quqyǵyn qamtamasyz etý úshin daýys berý quqyǵyn esepten shyǵarý kýáligin berý jáne esepke alý qaǵıdalaryna ózgertý engizilgen atap ótti.