2015 jyldy Teń múmkinshilikter jyly dep jarııalaý týraly tujyrymdama jobasy ázirlenip jatyr - S. Ábdenov
ASTANA. 28 mamyr. QazAqparat - Aǵymdaǵy jyldyń qazanynda «Ártúrli - teń» respýblıkalyq festıvali ótedi.
Bul týraly búgin Úkimet otyrysynda 2012-2018 jyldarǵa arnalǵan múgedekterdiń ómir sapasyn jaqsartý jáne quqyqtaryn qamtamasyz etý boıynsha is-sharalar josparynyń birinshi kezeńiniń júzege asyrylýy týraly baıandama jasaǵan QR Eńbek jáne halyqty áleýmettik qorǵaý mınıstri Serik Ábdenov aıtty.
«Aǵymdaǵy jyldyń qazanynda ómirdiń túrli salasynda joǵary nátıjelerge qol jetkizgen múmkindigi shekteýli tulǵalardy qoǵamǵa tanystyrý maqsatynda «Ártúrli-teń» birinshi respýblıkalyq festıvalin ótkizýdi josparlaýdamyz»,-dedi ol.
Mınıstrdiń atap ótýinshe, múmkindigi shekteýli jandarǵa qoǵamnyń túsinistikpen qaraýyna yqpal jasaý úshin Mádenıet jáne aqparat mınıstrligimen birlesip arnaıy medıajospar qabyldanǵan.
«Sondaı-aq, 2015 jyldy Teń múmkinshilikter jyly dep jarııalaý týraly tujyrymdamanyń jobasymen jumys isteý aıaqtalýǵa jaqyn»,-dedi S. Ábdenov.
