2015 jyldan beri osy ýaqytqa deıin baqylaý rejımin júrgizý kezinde 4,5 mln. vagon tekserildi - QTJ

ASTANA. QazAqparat - Bıylǵy jyldyń on aıynda byltyrǵy jylǵa qaraǵanda temirjol kóliginde jol qaýipsizdik erejelerin buzý 14 paıyzǵa tómendegen, dep habarlady «QTJ» baspasóz qyzmetinen.

Qozǵalys qaýipsizdigi Departamentiniń bas menedjeri Ábdiǵanı Kórǵuly atap ótkendeı, «buǵan tasymaldar sharýashylyǵynda bul kórsetkishke stantsııa kezekshileri men lokomotıv brıgadalary arasynda kelissózderdi júrgizý ýaqytyn saqtaýǵa, dabyl jáne baılanys qurylǵylary isten shyqqan kezde qyzmetkerlerdiń is-áreketteri men qalyptan tas jaǵdaılar oryn alǵanda óndiristik jumys tehnologııasyn saqtaýǵa baılanysty júrgizilgen aılyqtar nátıjesinde qol jetkizildi. Lokomotıv sharýashylyǵynda qaýipsizdik qurylǵylary ornatylǵan, jolaýshylar tasymaldaý poıyzyna arnalǵan TEZZA serııaly magıstraldi teplovozdarǵa elektropnevmatıkalyq tejeýishpen jabdyqtalǵan. Servıstik uıymdar lokomotıvterdi jóndeý barysynda tehnologııalar men joǵary sapany saqtaý barysynda oń nátıjege qol jetkizdi. 2015 jyldyń aǵymdaǵy aralyǵynda vagondarǵa tehnıkalyq baqylaý men «búıirlik jaqtaý» baqylaý rejımin júrgizý kezinde 4,5 mln. vagon tekserilip, 513 búıir jaqtaýlardyń aqaýlary tabyldy. Júrgizilgen sharalar nátıjesinde jolaýshylar poıyzynda lokomatıvterdiń búlinýi, jyljymaly quramnyń joldan shyǵýy, vagondardyń poıyzdan aǵytylýy, vagondardaǵy quıma bólshekterdiń synýy, tehnıkalyq aqaýlarǵa baılanysty poıyzdyń kesteden keshigýi, qozǵalys barysynda relsten shyǵý sekildi aqaýlardyń kórsetkishi tómendedi. Qazirgi ýaqytta QTJ-da basqarýdyń barlyq deńgeılerinde «Qaýipsizdik mádenıetin» engizý jumystary júrgizilýde.