2015 jyldan bastap voleıboldan Azııa chempıonatyna ózgerister engiziletin boldy
ALMATY. 5 aqpan. QazAqparat - Beıjińde ótken Azııa voleıbol konfederatsııasynyń ákimshilik quramy men barlyq jumys komıtetteriniń jalpy jınalysynda aǵymdaǵy jylǵy Azııa chempıonatynyń kúntizbesi men pishini bekitildi.
QR Voleıbol federatsııasy taratqan habarlamaǵa qaraǵanda, oǵan bıyl sońǵy ret barlyq úmitker komandalar synaqsyz qatyspaq. Ol áıelder arasynda 13-21 qyrkúıekte Taılandta, erler arasynda 28 qyrkúıek pen 6 qazan aralyǵynda BAÁ-de ótkeli otyr. Oǵan erler arasynda - 22, áıelder arasynda 17 eldiń quramasy qatysady. Komandalar Álem chempıonatyna jáne Álemdik lıga men Gran-prıge qatysýǵa múmkindik beretin joldamalardy sarapqa salatyn bolady.
Endi kelesi jyldan bastap Azııa chempıonaty jańa pishinde ótkizilmek. Onda komandalar 5 aımaqtyq topqa bólinip, irikteý týrnırlerin ótkizedi. Qazaqstan bul synda endi Iran, Úndistan, Pákistan, Shrı-Lanka, Ózbekstan, Aýǵanstan, Túrikmenstan, Oman jáne Nepal quramalarymen bir topta baq synaıdy. Aımaqtyq irikteý synynda úzdik shyqqan 16 komanda ǵana 2015 jylǵy Azııa chempıonatyna qatyspaq. FIVB Keńesiniń sheshimimen Azııa voleıbol konfederatsııasy aǵymdaǵy jyldan bastap óz quramalarynyń reıtıngin engizedi. Azııalyq komandalar reıtıngi konfederatsııasynyń resmı jarystarynyń aqtyq jarystarynyń qorytyndysy boıynsha jasalatyn bolady.
Jerebe boıynsha erler arasynda 21-29 sáýirde Iranda bolatyn klýbtyq Azııa chempıonatyna 14 komanda qatyspaq. Onda Qazaqstan chempıonatynyń jeńimpazy bolǵan Almaty qalasynyń «Almaty» voleıbol komandasy alǵashqy kezeńde Japonııa, Oman jáne Maldıv eliniń chempıondarymen kezdesetin bolady. Áıelder arasyndaǵy klýbtyq Azııa chempıonaty bolsa 24 sáýir men 3 mamyr aralyǵynda Vetnamda ótedi. Onda bıyl 8 komanda baq synamaq. Bul saıysta Taldyqorǵannyń «Jetisýy» toptyq synda jarys qojaıyndary men Taıland pen Taıpeı chempıonatynyń jeńimpazymen kezdesetin bolady.
