2015 jyldan bastap UBT eki kezeńmen ótedi - Bilim mınıstri
ASTANA. 10 maýsym. QazAqparat 2015 jyldan bastap elimizde Ulttyq biryńǵaı testileý eki kezeńmen júzege asatyn bolady.
Búgin BAQ ókilderine UBT nátıjesi boıynsha eksklıýzıvti suhbat bergen Bilim jáne ǵylym mınıstri Baqytjan Jumaǵulov osylaı aıtty.
«Shyndyǵynda da, biz 2015 jylǵa qaraı testileý eki kezeńde: mektep bitirýshini baǵalaýǵa qatysty testileý jáne joǵary oqý oryndaryna túsýi úshin keshendi testileý bolyp ótetini josparlanýda. Bul eń aldymen 2015 jyldan bastap 12 jyldyq bilim berýge kóshýmen baılanysty bolyp tabylady. Bul baǵytta beıindik mektepter qarastyrylady. Ondaı mektepterde biz 11-12 synyptarda balalardy joǵary oqý oryndaryna túsýge baǵdardy qamtamasyz etemiz. Al olar úshin joǵary oqý oryndaryn tańdaý mindetti bolmaq. Sondyqtan da biz shekteýdi alyp tastamaımyz», - dedi B. Jumaǵulov.
Onyń sózine qaraǵanda, sońǵy jyldardaǵy eskertýler aıasynda bundaı eki kezeńdik testileý ádil bolyp tabylady. «Bul rette mektepti bitirip, joǵary oqýǵa umtylmaıtyndar úshin testileý eki kezeńge bólinedi. Alda bir jyl bar. Qazir synaq retinde mektepterden ótkizý qarastyrylyp jatyr», - dedi B. Jumaǵulov.
