2015 jyldan bastap orta bilim berý júıesinde 12 jyldyq úlgige kóshý bastalady - J. Túımebaev
aýryzdyń 29-y. QazAqparat /Qanat Mámetqazyuly/ -2015 jyldan bastap elimizdiń orta bilim berý júıesinde 12 jyldyq úlgige kóshý bastalady.
Búgin QR Parlamenti Májilisinde ótken Úkimet saǵatynda Bilim jáne ǵylym mınıstri Janseıit Túımebaev osylaı málim etti, dep habarlaıdy QazAqparat.
«Orta bilim berý júıesinde 2015 jyldan bastap mektepterdiń 1-shi, 5-shi jáne 11-inshi synyptary 12 jyldyq úlgige kóshe bastaıdy. ıAǵnı bular jańartylǵan ulttyq standarttar boıynsha jumys isteıtin bolady. Odan keıingi jyldary 2-shi, 6-shy, 10-shy synyptar osyndaı úlgige ótedi. Osylaısha, satylap 2020 jylǵa deıin 12 jyldyq úlgige tolyq kóshetin bolamyz. Sonymen birge, 2015 jyly joǵary satydaǵy «Beıindik mektepke» oqýshylardy alǵashqy qabyldaý bastalady. Al 2020 jylǵa qaraı respýblıkadaǵy barlyq mektepter qazirgi zamanǵy hımııa, fızıka, bıologııa oqý kabınetterimen qamtamasyz etiledi», dedi mınıstr.
Onyń aıtýynsha, 2015 jylǵa qaraı tehnıkalyq jáne kásiptik bilim berýde jumys berýshilermen birlese otyryp kásiptik standarttar ázirlenip, engiziledi. Budan bólek 2020 jylǵa qaraı Ulttyq biliktilik júıesi de qurylady.
