2015 jyldan bastap Qazaqstannyń birqatar avtojoldary aqyly bolady
Bul týraly búgin Ortalyq kommýnıkatsııalar qyzmetinde ótken brıfıngte QR Kólik jáne kommýnıkatsııa mınıstri Jeńis Qasymbek málim etti.
«Búgin Úkimette respýblıkalyq mańyzdaǵy avtojoldarǵa aqyly júıeni engizý máselesi qaraldy. Kelesi jyldan bastap, birinshi sanat boıynsha Shymkent pen Qyzylorda jáne Astana-Atbasar ekinshi kategorııasy boıynsha aqyly júıeni engizý qarastyrylýda», - dep atap ótti ol.
Vedomstvonyń baspasóz qyzmetiniń taratqan málimetteri boıynsha, Astana-Atbasar, RF shekarasy-Almaty, Shymkent-Qyzylorda jáne RF shekarasy-Shymkent tasjoldary aqyly bolady. Bul jumysty 2015 jyldyń 1 qańtarynan bastap engizý kózdelýde.
Jalpy 2022 jylǵa qaraı aqyly júıe respýblıkalyq mańyzy bar joldardyń 7 myń shaqyrymyna engizý mejelengen. Olardyń qatarynda «Astana-Temirtaý», «Almaty-Qapshaǵaı» jáne Pavlodar trassasy da bar.
Eske sala keteıik, 2013 jyldan beri Astana-Şýche avtobanynda aqyly júıe engizildi. Sarapshylardyń sózine qaraǵanda, bul qadam jolǵa ketetin shyǵyndy júz paıyz jabýǵa múmkindik beredi.
