2015 jyldan bastap Qazaqstanda úlgi sý-qutqarý stansalarynyń qurylysy bastalady - QR TJM
ASTANA. 17 maýsym. QazAqparat - Qazaqstanda 2015 jyly úlgi sý-qutqarý stansalarynyń qurylysy bastalady. Bul týraly rrimeminister.kz saıtyna bergen eksklıýzıvti suhbatynda Tótenshe jaǵdaılar mınıstrliginiń Tótenshe jaǵdaılardy joıý departamenti dırektorynyń orynbasary Alekseı Sovetov málim etken.
«2015 jyldan bastap úlgi jobalary boıynsha sý-qutqarý stansalarynyń qurylysy josparlanǵan. Olar Shýche-Býrabaı kýrort aımaǵynda, Almaty oblysyndaǵy Qapshaǵaı sý qoımasynda, Mańǵystaý oblysynda ornalasady»,- dedi A.Sovetov.
Sonymen qatar, ol TJ mınıstrligi Qurylys jáne turmystyq sharýashylyq komıtetimen birge sý-qutqarý qyzmetteriniń 1-shi, 2-shi jáne 3-shi razrıadtarynyń sý-qutqarý stansalarynyń úlgi jobalary ázirlengenin atap ótti.
Oǵan qosa, úlgi jobalarynda jedel kezekshilik atqarýǵa, stansa mańyndaǵy sý akvatorııasyn baqylaýǵa, júzý quraldaryn saqtaýǵa arnalǵan qajetti ǵımarattar, arnaıy avto jáne qutqarý tehnıkasy qarastyrylǵanyn aıtty.
«Zamanaýı talaptarǵa sáıkes sý-qutqarý bólimsheleriniń jeke quramyna arnalǵan barlyq jaǵdaılar jasalady», - dedi departament basshysynyń orynbasary.
Aıta ketý kerek, respýblıkanyń qajettilikteri úshin 41 sý-qutqarý stansasyn salý qajet.
