2015 jyldan bastap Qazaqstanda tutqyndalǵan múlik elektrondy aýktsıon arqyly satylady

ASTANA. QazAqparat - 2015 jyldan bastap Qazaqstanda tutqyndalǵan múlikterdi elektrondy aýktsıon arqyly satý josparlanýda, dep habarlady QR Bas prokýratýrasynyń baspasóz qyzmetinen.

«Tutqyndalǵan múlikterdi satý barysynda jemqorlyq kórinisterdi barynsha tómendetý úshin 2015 jyldyń 1 qańtarynan elektrondy aýktsıon júrgiziletin bolady. Ádilet mınıstrligi «onlaın» rejiminde boryshkerlerdiń múlkine sot oryndaýshylarynyń tutqyn qoıýy jáne ony alýy júıesin engizýde. Bul sot aktileriniń dál osy kezeńde oryndalýynda qııanat jasalý múmkinshiliginiń aldyn alýǵa jaǵdaı jasaıdy», - delingen habarlamada.

Sondaı-aq sot aktisin óz erkimen oryndaý túsinigi alynyp tastaldy. Bul oryndaýshylyq sanktsııalardan bıýdjetke 10 paıyz óndirip alý týraly máseleni sheshý barysynda sot oryndaýshylarynyń ony teris paıdalaný múmkindiginiń aldyn alady. «Sot oryndaýshylarynyń materıaldyq bazasyn jaqsartý maqsatynda olardy atqarýshylyq sanktsııalardan 10 paıyzdyq ótemaqy somasynyń bir bóligi esebinen qarjylandyrý týraly usynys engizildi», - dep atap ótedi QR Bas prokýratýrasy.

2016 jyldyń 1 qańtarynan zańdy tulǵalar paıdasyna sot aktilerin oryndaý jeke sot oryndaýshylarynyń quziretine beriledi. Bul da memlekettik sot oryndaýshylary tarabynan quziretterin asyra paıdalaný faktilerin toqtatady.

Vedomstvo aqparatyna qaraǵanda, 2013 jyly sot oryndaýshylarynyń laýazymdy tulǵalary 34 jemqorlyq qylmys jasady. Bul 2012 jyldyń sáıkes kezeńimen salystyrǵanda 2 esege artyq.