2015 jyldan bastap bala asyrap alýǵa járdemaqylar bólinedi - G.Ábdiqalyqova
ASTANA. QazAqparat - 2015 jyldyń qańtarynan bastap bala asyrap alamyn deýshilerge járdemaqylar beriledi. Bul týraly búgin Astanada balalar quqyǵyn qorǵaýǵa baılanysty ótip jatqan «Qazaqstanda balalarǵa jáne olardyń quqyqtaryn qorǵaýǵa arnalǵan ádil sot júıesin nyǵaıtý» atty konferentsııada QR Premer-Mınıstriniń orynbasary Gúlshara Ábdiqalyqova aıtty.
«Búginde elimizde 5 mln.-nan astam bala ómir súredi. Bul - Qazaqstan halqynyń úshten biri degen sóz. Sondaı-aq bul kórsetkish kúnnen-kúnge ósip keledi. Sońǵy 10 jylda elimizde bala týý kórsetkishi 1,3 esege ósken. Balalardyń demografııalyq ósý qarqynyn eskere kele, Úkimet babalar quqyǵyn qorǵaý, olarǵa qajetti kómek kórsetý salasynda josparly jumystar jasap keledi», - dep atap ótti ol.
Onyń aıtýynsha, búginde bala tárbıelep otyrǵan otbasylardyń barlyǵyna birneshe túrli tólemderqarastyrylǵan.
«Máselen, balanyń týýyna baılanysty tólemaqy, balanyń 1 jasqa tolýyna deıin tólenetin aı saıynǵy tólemder, bala tárbıelep otyrǵan múgedek jandarǵa beriletin tólemder bar. Búginde balanyń qamqorshylaryna, patronatty tárbıeleýshilerine arnalǵan ótemaqylar da engizilgen. Osy jumystardyń nátıjesinde sońǵy 5 jylda jetim balalardyń sany shamamen 10 myńǵa azaıdy.Sonymen qatar 2015 jyldyń qańtarynan bastap bala asyrap alýshylarǵa bir rettik járdemaqa da tólenetin bolady», - dep atap ótti G. Ábdiqalyqova.
Aıta keteıik, Qazaqstannyń Balalar quqyǵy jónindegi BUU konventsııasyn ratıfıkatsııalaýyna 20 jyl tolýyna oraı ótkizilgen konferentsııaǵa QR Joǵary sotynyń tóraǵasy Qaırat Mámı, QR Konstıtýtsııalyq keńesiniń tóraǵasy Igor Rogov, QR Ádilet mınıstri Berik Imashev, QR Іshki ister mınıstriniń orynbasary Rashıd Jaqypov jáne basqada laýazymdy tulǵalar qatysty.
Al halyqaralyq uıymdardan QR-daǵy Eýropa Odaǵy ókildiginiń basshysy Aýrelııa Býshez, QR-daǵyıÝNISEF ókili Djýn Kýkıta, BUU balalar quqyǵy komıtetiniń múshesi, jasóspirimder isi boıynsha sýdıa Rınata Ýınter, sondaı-aq,basqa da álemdik sarapshylar keldi.
