2015 jyl soltústik jartysharda baqylaý tarıhyndaǵy eń jyly jyl boldy
ASTANA. QazAqparat - Ótken jyl Jerdiń soltústik jartyshary úshin eń jyly boldy, dep habarlady Ýtro.rý Reseıdiń Gıdrometortalyǵyna silteme jasap.
"Klımatty jedel baqylaýdyń aqparatyn qaraǵanda, ótken 2015 jyl Reseıdiń Gıdrometortalyǵynyń meteorologtary boljaǵandaı, Jerdiń soltústik jartyshary úshin eń jyly jyl boldy", - delingen habarlamada.
Turaqty meteorologııalyq baqylaý tarıhynda, ıaǵnı 1891 jyldan soltústik jartyshardaǵy ortasha aılyq temperatýra bes ret kóterildi (2007 qańtarynda, 1998 jáne 2002 jyldyń aqpanynda, 2008 jyldyń naýryzynda jáne 2010 jyldyń qarashasynda), al 2015 jyly mundaı qubylys 10 aıda boldy.
"Osylaısha 2015 jyldyń ortasha jyldyq temperatýrasy tarıhta alǵash ret normadan (qalypty deńgeıden) 1 gradýs joǵary boldy. Planetadaǵy eń jyly dep sanalǵan 2014 jylmen salystyrǵanda soltústik jartyshardyń ortasha jyldyq temperatýrasynyń ósimi 0,2 gradýs boldy. Munyń aldyndaǵy jylmen salystyrǵandaǵy ortasha jyldyq temperatýranyń osylaı ózgerýi tarıhta alǵash ret oryn aldy", - dep atap ótti sınoptıkter.
