2015-2020 jyldary álemde munaıǵa degen suranys artady
ASTANA. QazAqparat - Aldaǵy bes jylda álemde munaıǵa degen suranys qalpyna keledi, delingen Halyqaralyq energetıkalyq agenttiktiń (HEA) baıandamasynda.
Bul týraly RIA «Novostı» habarlady.
«Suranys, ortasha alǵanda, jylyna 1,2% artady», - delingen HEA munaı naryǵynyń bes jyl ishindegi boljamyna arnalǵan baıandamasynda.
Agenttik boljamyna sáıkes, 2020 jyly álemde munaıǵa degen suranys kúnine 99,1 mıllıon barreldi quraıdy. 2014 jyldan 2020 jylǵa deıin suranys kúnine 6,6 mıllıon barrel munaıǵa kóbeıedi. Suranystyń artýy ony óndirý kólemin shamamen 1,5 mıllıon barrelge arttyryp, 5,2 mıllıon barreldi quraıdy.
HEA 2015 jyly suranys táýligine 93,3 mıllıon barrel munaıdy quraıdy dep kútýde. Agenttik paıymynsha, 2016 jyly bul kórsetkish 94,5 mıllıon barreldi quraıdy.
Munaı baǵasynyń arzandaýy, ony óndirý kólemin shekteýge májbúrleıdi. Munaıdy óndirý boıynsha qýattylyqtyń álem boıynsha ulǵaıýy 2020 jylǵa deıin kúnine shamamen 860 myń barrel munaıdy quraıdy.
2020 jylǵa qaraı álemde munaı óndirý boıynsha qýattylyq kúnine 103,2 mıllıon barreldi quramaq.
