2015-2019 jyldary paıdaly qazbalardy anyqtaýǵa 120 mlrd. teńge jumsalady
ASTANA. QazAqparat - Sońǵy 11 jylda geologııalyq barlaý jumystaryna memleket 3 trln. teńge jumsady.
Bul týraly búgin Ortalyq kommýnıkatsııalar qyzmetindegi baspasóz máslıhatynda QR Investıtsııalar jáne damý mınıstrligi Geologııa jáne jer qoınaýyn paıdalaný komıtetiniń tóraǵasy Bazarbaı Nurabaev málim etti.
Onyń sózine qaraǵanda, búginde kómirsýtek shıkizaty qoryna memlekettik balanspen 4,8 mlrd. tonna qabyldandy.
«Sonymen qatar, egerde 2003 jáne 2014 jyldardy salystyrsaq, kómirsýtek shıkizaty bóliginde 22 trln. teńge jumsaldy. Onyń ishinde 3 trln. teńge geologııalyq barlaý jumystarynda ıgerildi», - dedi B. Nurabaev.
Sonymen birge, 2015-2019 jyldary paıdaly qazbalardyń perspektıvaly ýchaskelerin anyqtaýǵa, altyn men mysty izdeý men barlaýǵa Qazaqstan 120 mlrd. teńge jumsamaq.
Sondaı-aq bıyl Qazaqstanda geologııalyq barlaýǵa 12,5 mlrd. teńge baǵyttalady.
«2015 jyly geologııalyq barlaýǵa 12,5 mlrd. teńge bólindi. Onyń ishinde 6 mlrd. teńge Ulttyq qordan «Nurly jol» baǵdarlamasy aıasynda baǵyttalady», -dedi B. Nurabaev.
Onyń sózine qaraǵanda, bul qarjynyń bir mlrd. teńgesi «Qazgeologııaǵa» bólindi. Osy qarajat kendi aımaqtarda barlaý jumystaryna jumsalady.
