2015-2019 jyldary 257 jobany iske asyrýǵa 46 myńnan astam maman qajet
«QR Investıtsıalar jáne damý mınıstrliginiń derekterine sáıkes, 2015-2019 jyldary aralyǵynda jalpy sany 257 óńirlik jáne respýblıkalyq jobalar iske asyrylatyn bolady. Mundaǵy kadrlarǵa degen jalpy qajettilik 46 600 adamdy quraıdy. Máselen, tehnıkalyq jáne kásiptik bilim salasyna keletin bolsaq, «Kásipqor» holdıngimen kolledjder arasynda osy kolledjderdi damytý boıynsha tıisti sharalar jasaldy. Ekinshi besjyldyqqa daıyndaıtyn mamandar pysyqtaldy», - dedi ol. Onyń atap ótýinshe, «Kásipqor» holdıngi 10 kolledjben áriptestik negizinde birlesip, 16 jańa oqý baǵdarlamasyn daıyndaǵan. Bıyl jyly ilki rejimde eki kolledjde, atap aıtqanda, Kókshetaý joǵary tehnıkalyq kolledji men Aqtóbe polıtehnıkalyq kolledjinde osy baǵdarlamalardyń 8-i engiziletin bolady. «2015 jyldyń 1 qyrkúıeginen bastap oqý protsesine engiziletin oqý baǵdarlamalaryn kelisý boıynsha jumys berýshiler jáne kásipodaqtarmen jumys júrgizilýde. On iriktelgen kolledjderdiń altaýy Dúnıejúzilik bank qaryzy esebinen iske asyrylatyn tehnıkalyq jáne kásiptik bilimdi jańǵyrtý jobasyna grant alýshylar bolyp tabylady. Osy joba aıasynda kolledjer jalpy somasy 425 mln. teńgeni quraıtyn zamanýı jabdyqtarmen jabdyqtalǵan», - dedi E.Imanǵalıev.
