2015-2019 jyldarǵa arnalǵan Indýstrııalandyrý baǵdarlamasy 1 maýsymda jasaqtalyp bitedi - E.Dosaev
Bul týraly búgin Ortalyq kommýnıkatsııalar qyzmetinde ótken baspasóz máslıhatynda QR Ekonomıka jáne bıýdjettik josparlaý mınıstri Erbolat Dosaev málim etti.
«2015-2019 jyldarǵa arnalǵan Údemeli ınnovatsııalyq-ındýstrııalyq damý memlekettik baǵdarlamasy 1 maýsymda jasaqtalyp bitedi. 2014 jyly ÚIIDB aıasynda júzege asyrylatyn ındýstrııalyq jáne ınfraqurylymdyq jobalarǵa 150 mlrd. teńge bólinedi», - dedi ol.
Onyń habarlaýynsha, bolashaqta iske asyrylýy múmkin naqty jobalar 2014 jyldyń 1 maýsymynda talqyǵa usynylady.
«Sonymen qatar qolda bar kelisimsharttardy saqtaý boıynsha jumystar jalǵasa bermek jáne Qazaqstannyń eksporttyq ónimderin Ońtústik-Shyǵys Azııaǵa, Taıaý Shyǵysqa, Ortalyq Azııadaǵy kórshilerimizge jetkizýge baǵyttalǵan jańa kelisimderdi izdestirý boıynsha ister atqarylmaq», - dep túıdi sózin E.Dosaev.
