2015-2016 oqý jylyna 32 myńnan astam grant bólinedi - QR BǴM
ASTANA. QazAqparat - QR Bilim jáne ǵylym mınıstrligi 2015-2016 oqý jylyna 32 myńnan astam grant bóledi. Bul týraly atalǵan vedomstvodan «QazAqparat» HAA tilshisiniń resmı saýalyna oraı málim etti.
Vedomstvo aqparatynda qaraǵanda, aǵymdaǵy jyly bilim granttaryn berý tártibinde esh ózgeris oryn almaıdy. Granttar baıqaý negizinde beriledi. BǴM memlekettik tapsyrysty qalyptastyrý barysynda salalyq organdardyń suranystaryn eskerip, eldiń áleýmettik-ekonomıkalyq damýynyń negizgi tendentsııalaryna arqa súıeıtin bolady.
«Búgingi tańda Qazaqstan Respýblıkasy Úkimetiniń 2015-2016 jyldarǵa arnalǵan memlekettik bilim berý tapsyrysy týraly qaýly jobasy bekitilýge daıyndalý ústinde. Jobada 32 788 oryn qarastyrylǵan, onyń ishinde 500 oryn syrttaı oqý bólimine qarastyrylyp otyr», - delingen mınıstrliktiń resmı jaýabynda.
Indýstrıaldy-ınnovatsııalyq damý basymdyqtaryna sáıkes metallýrgııa, geologııalyq barlaý, avtomobıl jáne avtomobıl jasaý, tamaq ónerkásibi tehnologııasy, qurylys materıaldary óndirisi, temir jol tehnıkalaryn jasaý, munaı hımııasy syndy mamandyqtarǵa granttar bólinedi.
«Sonymen qatar pedagog kadrlardy daıyndaýǵa da granttar qarastyrylady. Buǵan qosa, ınnovatsııalyq agroónerkásip keshenin damytýǵa da zor kóńil bólinedi», - delingen vedomstvo aqparatynda.
