2014 jyly tegin dári-dármekpen qamtamasyz etýde eshqandaı keshigýshilik bolmaıdy - S.Qaıyrbekova
ASTANA. QazAqparat - 2014 jyly zárý naýqastardy tegin dári-dármekpen qamtamasyz etýde eshqandaı keshigýshilik bolmaıdy. Bul týraly búgin OKQ uıymdastyrǵan brıfıngte QR Densaýlyq saqtaý mınıstri Salıdat Qaıyrbekova málimdedi.
«Búginde zárý naýqastardy tegin dári-dármekpen qamtamasyz etýde eshqandaı olqylyqqa jol berilmeıdi», - dedi mınıstr jýrnalısterdiń buryn jyl basynda elimizdegi naýqastarǵa tegin taratylýy tıis dári-dármektiń der kezinde jetkizilmeýine baılanysty berilgen suraǵyna jaýap retinde.
«SK-Farmatsııa» AQ basqarma tóraıymy Sholpan Ahmettiń aıtýynsha, 2014 jylǵa bólingen dári-dármek ótken jyldyń qarashasynda satylyp alynǵan bolatyn.
«ıAǵnı úsh aı buryn barlyǵy satyp alynyp qoıylǵan. Sondyqtan 2014 jyldyń jartyjyldyq qory daıyn tur. Keıde mynadaı jaǵdaılar bolyp turady: shamamen 10 shaqty dári alynbaı qalady, biraq ondaı olqylyqqa bizdiń múlde qatysymyz joq. Bul kedergiler óndirýshiniń tarapynan bolady. Degenmen, bul máseleni de sheshýge bolady, biz qazir kelissózder júrgizip jatyrmyz», - dedi Sh. Ahmet.
Onyń málimetinshe, 1 qańtardan bastap 2014 jylǵa arnalǵan jańa kelisimshart jasalyp jatyr jáne medıtsınalyq uıymdar sony qazynashylyqqa tirkeýde. Qazir biz Ekonomıka jáne bıýdjettik josparlaý mınıstrligimen kelissózder júrgizip otyrmyz, óıtkeni dál bizdiń kelsimsharttarymyz qazynashylyqta kóp kidirip qalyp jatyr. Eger mundaı tejeýler bolmaǵan bolsa, biz 1 qańtardan bastap dárilerdi tarata bastar edik», - dedi Sh. Ahmet.
