2014 jyly taýarlar eksporty 4,2 paıyzǵa tómendeıdi - Ekonomıka jáne bıýdjettik josparlaý mınıstrligi
ASTANA 28 tamyz. QazAqparat - 2014 jyly taýarlar eksporty 4,2 paıyzǵa tómendeıdi. Bul týraly búgin 2014-2018 jyldarǵa arnalǵan eldiń áleýmettik-ekonomıkalyq boljamy talqylanǵan Úkimet otyrysynda Ekonomıka jáne bıýdjetti josparlaý mınıstri Erbolat Dosaev málim etti.
«2014 jyly taýarlar eksporty baǵalaý boıynsha aldaǵy kezeńge qaraǵanda 4,2 paıyzǵa tómendeıdi. Bul negizinen munaı qunynyń boljanǵan baǵasy tómen bolýyna baılanysty bolyp otyr»,-dedi mınıstr.
Onyń sózine qaraǵanda 2015 jyldan bastap eksport kólemi ortasha alǵanda 8,7 paıyz qarqynmen ósedi. Buǵan munaı eksporty kóleminiń artýynyń nátıjesi yqpal etpek.
Sonymen qatar vedomstvo basshysy ekonomıkada tutynýshylyq jáne ınvestıtsııalyq suranys taýarlar ımportynyń artýyna áser etetindigin jetkizdi. Boljam boıynsha onyń deńgeıi 2014 jyldaǵy 58,6 mlrd. AQSh dollarynan 2018 jyly 93 mlrd.dollarǵa deıin jetpek.
