2014 jyly SQO-da 116 sporttyq nysan ashyldy (FOTO)
PETROPAVL. QazAqparat - Soltústik Qazaqstan oblysynda ótken jyldyń ishinde sport ǵımarattary 116 jańa nysanmen tolyqty. Bul týraly SQO-nyń deneshynyqtyrý jáne sport basqarmasy habarlady.
Aımaqta barlyǵy 2 393 sporttyq qurylys bar, sonyń ishinde 1914-i aýyldarda ornalasqan. Oblys ákimi Erik Sultanovtyń tapsyrmasy boıynsha, 2014 jyly SQO-da shaǵyn fýtbol úshin 15 alań men 81 hokkeı korty salyndy.
Ótken jyldyń sońynda Ǵ.Músirepov atyndaǵy aýdannyń Novoıshım aýylynda deneshynyqtyrý-saýyqtyrý kesheni men 25 metrlik basseın paıdalanýǵa berildi.
Esterińizge sala keteıik, búginde Petropavl qalasynyń «Jas órken» shaǵynaýdanynda muz arenasy men jeńilatletıka maneji bar Sport saraıynyń qurylysy jalǵasýda. Bolashaq sporttyq qurylystyń jalpy aýmaǵy 14853 sharshy metrdi quraıdy.
Qurylys jergilikti bıýdjetten bólingen 2 mlrd. teńgeden astam qarajatqa salynýda.
