2014 jyly negizgi kapıtalǵa salynǵan ınvestıtsııalardyń kólemi 22,3 paıyzǵa artyq - Aqmola oblysy
KÓKShETAÝ. QazAqparat - Aqmola oblysynda 2014 jylǵy qańtar-jeltoqsanda negizgi kapıtalǵa salynǵan ınvestıtsııalardyń kólemi 181 141,6 mıllıon teńgeni qurady. Bul týraly oblystyq statıstıka departamentiniń baspasóz qyzmeti málim etti.
Statıstıka departamenti keltirgen málimetterge qaraǵanda bul kórsetkish ótken jyldyń dengeıinen 22,3 paıyzǵa artyq. Investıtsııalardyń respýblıkalyq kólemindegi Aqmola oblysynyń úlesi 2,8 paıyzdy qurady.
Negizgi kapıtalǵa salynǵan ınvestıtsııalardyń edáýir bóligin kásiporyndardyń menshikti qarajaty (51 paıyz) jáne bıýdjettik qarajaty (30,5 paıyz) alady. Esepti kezeńde ınvestıtsııalardyń jalpy kóleminde bankterdiń nesıeleriniń úlesi 7,8 paıyz, basqa da qaryz qarajaty - 10,7 paıyz boldy.
Tehnologııalyq qurylymy boıynsha ǵımarattar men olardy salý jáne kúrdeli jóndeý jumystary 54,3 paıyzdy qurady, negizgi kapıtalǵa salynǵan ınvestıtsııalardyń mashınalar, jabdyqtar jáne qural-saımandaryna - 40,8 paıyz, ózge de shyǵyndarǵa - 4,9 paıyzdan keledi.
Investıtsııalardyń eń úlken kólemi óńdeý ónerkásibine (úlesi ınvestıtsııalardyń jalpy kóleminde 20,4 paıyzdy qurady), elektrmen jabdyqtaý, gaz, bý berý jáne aýa baptaýǵa (16,1 paıyz), kólik jáne qoımalaýǵa (15,1 paıyz) baǵyttaldy.
2014 jylǵy qańtar-jeltoqsanda 2013 jylmen salystyrǵanda negizgi kapıtalǵa salynǵan ınvestıtsııalar elektrmen jabdyqtaý, gaz, bý berý jáne aýa baptaýda (96,1 paıyzǵa), kólik jáne qoımalaýda (77,6 paıyzǵa), memlekettik basqarý jáne qorǵanysynda; mindetti áleýmettik qamtamasyz etýde (77,3 paıyzǵa) kóbeıdi.
Esepti kezeńde oblys boıynsha negizgi kapıtalǵa salynǵan ishki ınvestıtsııalar 172458,3 mıllıon teńgeni, syrtqy - 8683,3 mıllıon teńgeni qurady.
Negizgi kapıtalǵa salynǵan ınvestıtsııalardyń kóbeıýi 2013 jylmen salystyrǵanda oblystyń on eki aýdandarynda jáne Kókshetaý qalasynda tirkeldi. Eleýli ósýi Ereımentaý (2 ese), Egindikól (97,4 paıyzǵa) jáne Eńbekshilder (74,6 paıyzǵa) aýdandarynda baıqaldy.
