2014 jyly N. Erıch Qazaqstan quramasynyń sapynda oınaýy tıis
ASTANA. 24 qarasha. QazAqparat - Elordalyq «Astana» klýbynyń qaqpashysy Nenad Erıch jýyq arada Qazaqstan azamattyǵyn alýy múmkin, dep habarlaıdy «Sports.kz».
Esterińizge sala keteıik, 31 jastaǵy serb qaqpashysy óz otanynda «Sloga», «Radnıchkı» (Kragýevats), OFK, «Bıg Býl», «Machva», «Borats» (Chachak) klýbtarynda, reseılik «Sıbır» (Novosıbırsk) jáne «Dınamo» (Barnaýl), qazaqstandyq «Qaırat» (Almaty) jáne «Astana» sapynda óner kórsetti.
Elimizdiń premer-lıgasyndaǵy úzdik qaqpashylardyń biri sanalatyn Erıch ulttyq quramaǵa shaqyrtylýy yqtımal. Bul jaǵdaıda Erıch Qazaqstan quramasynyń negizgi qaqpashysy Andreı Sıdelnıkovpen básekege túsetin bolady.
