2014 jyly medıtsınalyq qyzmetter kórsetý salasynda 2,5 myńnan astam tekserý júrgizildi
ASTANA. QazAqparat - QR Densaýlyq saqtaý jáne áleýmettik damý mınıstrliginiń Medıtsınalyq jáne farmatsevtıkalyq qyzmetti baqylaý komıteti (MFQBK) densaýlyq saqtaý nysandaryna 2,5 myńnan astam tekserý júrgizdi.
Bul týraly QR Densaýlyq saqtaý jáne áleýmettik damý mınıstrliginiń baspasóz qyzmetinen habarlady.
Komıtet mamandary tekserýler barysynda sertıfıkatsyz nemese lıtsenzııasyz zańsyz medıtsınalyq qyzmetpen aınalysý, standarttardy saqtamaý jáne medıtsınalyq kómekti sapasyz kórsetý, syrqattyq paraqshany berýde erejelerdi buzý, etıka jáne deontologııa normalaryn saqtamaý sııaqty jaǵdaılardy anyqtady.
Ótkizilgen barlyq tekserýlerdiń nátıjesinde óńirlik densaýlyq saqtaý basqarmalaryna tıisti shara qoldaný úshin aktiler joldandy.
