2014 jyly əlemde 13 myń lańkestik shabýyldan 30 myńnan asa adam qaza bolǵan - E.Qarın

Lańkestik əreketterdiń saldarynan 30 myńnan asa kinəsiz adam qaza bolǵan. Bul týraly búgin Ortalyq kommýnıkatsııalar qyzmetinde ótken brıfıng barysynda Qazaqstan strategııalyq zertteýler ınstıtýtynyń dırektory Erlan Qarın məlim etti.

«Əlem boıynsha terrorızm qaýipi kúsheımese, seıilmeı tur. Parıjdegi lańkestik pen Mysyrdaǵy ushaq apaty qazir basty nazarda bolǵanymen, lańkestik əreketterdiń kóbeıýi - burynnan baıqalyp kele jatqan úderis. Jalpy, terrorızm aktileriniń kóbeıýi 2000 jyldardan, əsirese, 2005 jyldan beri qatty baıqalyp keledi. Eger, osy ýaqytqa deıin əlem boıynsha jylyna 500-600 terrorlyq əreket oryn alyp kelgen bolsa, 2005 jyldan beri jylyna 100 myńnan asa lańkestik əreket jasalatyn bolǵan. Terrorızm məselelerin zertteý jónindegi Montereı ortalyǵynyń məlimetine súıensek, 2014 jyly əlemde 13 myńnan asa lańkestik shabýyl oryn alsa,osy lańkestik əreketterdiń saldarynan 30 myńnan asa adam qaza bolǵan»,-deıdi E.Qarın.

Onyń aıtýynsha, álemde tirkelip jatqan lańkestik áreketterdiń 60 paıyzy nebary 5 memleketke tıesili. Bular - Pákistan, Aýǵanstan, Irak, Úndistan jáne Nıgerııa elderi.

«Ókinishke oraı, lańkestik əreketterdiń sany artqan saıyn, ajal qushqan beıbit turǵyndardyń da sany kóbeıip barady. Sarapshylardyń paıymdaýynsha, 2001 jyly AQSh-tyń Aýǵanstanǵa, 2003 jyly Irakqa enýi taıaý Shyǵys pen Ońtústik Azııa óńirindegi jaǵdaıdy ýshyqtyryp jibergen. álemde tirkelip jatqan lańkestik áreketterdiń 60 paıyzy nebary 5 memleketke tıesili. Bular - Pákistan, Aýǵanstan, Irak, Úndistan jáne Nıgerııa elderi. Sonymen qatar, álem boıynsha lańkestik áreketterden qaza tapqandardyń jartysynan kóbiniń ólimi úshin Boko Haram men IGIL toptary jaýapkershilik alǵan»,-deıdi E.Qarın.

Ózge derekkózderine súıensek, IGIL toby ár túrli lańkestik áreketterde qaza tapqan 20 myńnan asa adamnyń ólimin moınyna alǵan.