2014 jyly Qytaı Qazaqstannan astyq ımportyn arttyrmaq
ASTANA. QazAqparat - Bıyl Qytaı Qazaqstannan astyq ımportyn arttyrmaq. Bul týraly búgin Ortalyq kommýnıkatsııalar qyzmetindegi brıfıngte «Azyq-túlik kelisimshart korporatsııasy» UK» AQ kommertsııalyq dırektory - basqarýshy dırektory Nurbek Daıyrbekov málim etti.
«Bıyl biz barlyq bıdaıdyń 14 paıyzyn Iranǵa eksporttaýdy josparlap otyrmyz. Qytaıǵa - 4 paıyzǵa jýyq. Bul kórsetkish aıtarlyqtaı artyp otyr, sebebi ortasha alǵanda 2009-2013 marketıngtik jyldarda Qytaı 1 paıyz kóleminde ımporttady»,- dedi ol.
Onyń sózine qaraǵanda, elimizdiń dástúrli naryqtary, ıaǵnı Ortaazııalyq respýblıkalardyń naryqtary turaqty jáne olar qazaqstandyq bıdaı men unnyń ımportyna qyzyǵýshylyq tanytýda. Atap aıtqanda, osy baǵytta olardyń turaqty úlesi 44-45 paıyzdy qurap otyr.
