2014 jyly KEGOC tarıfteri 9 paıyzǵa kóterilmek
ASTANA. 7 qarasha. QazAqparat - 2014 jyly KEGOC tarıfteri 9 paıyzǵa kóterilmek. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte atalǵan kompanııa basqarmasynyń tóraǵasy Baqytjan Qajıev aıtty.
Onyń atap ótýinshe, bul kompanııa aktıvteriniń aǵymdaǵy paıdalaný deńgeıin ustap turý, onyń ishinde elektr energııasyn satyp alý shyǵystarynyń ulǵaıýymen baılanysty.
«Sonymen birge ınvestıtsııalyq jobalarymyzdy júzege asyrýǵa da qarjy qajet. Degenmen, elektr energııasynyń jalpy quny qurylymyndaǵy bizdiń úlesimiz kóp emes, shamamen 10 paıyz ǵana. Tolyqtaı alǵanda kelesi jyly Qazaqstan boıynsha elektr energııasynyń quny artatyn bolady. Óıtkeni Úkimettiń 2015 jylǵa deıin bekitilgen shekti tarıfter boıynsha qaýlysy bar», - dedi ol.
