2014 jyly KEGOC qosalqy stansalarda jabdyqtardyń 70 paıyzyn jańartty
ASTANA. QazAqparat - 2014 jyly «KEGOC» AQ óziniń qosalqy stansalarynda barsha joǵary voltty kommýtatsııalyq jabdyqtardyń 70 paıyzyn aýystyrdy. Bul týraly Ortalyq kommýnıkatsııalar qyzmetindegi brıfıngte atalǵan kompanııanyń basqarma tóraǵasy Baqytjan Qajıev málim etti.
«Ótken jyly biz qosalqy stansalardaǵy barsha joǵary voltty kommýtatsııalyq jabdyqtyń 70 paıyzyn aýystyrdyq. Búginde osy oraıda jaqsy nátıjelerge qol jetkizip otyrmyz», - dedi B.Qajıev.
Ol joǵary voltty jabdyqtardy aýystyrý men ulttyq jelini jańǵyrtýdyń 2000 jyldan beri iske asyryp kele jatqandyǵyn eske salyp ótti.
«Ótken jyly óndiriste jáne elektr energııasyn tutynýda ósim bolǵanyna qaramastan, elektr energııasyn ótkizý boıynsha kórsetiletin qyzmetterdiń kólemi 2013 jyldyń kórsetkishimen salystarǵanda 2 paıyzǵa tómendep, 40,2 mlrd kVt/s-ty qurady», - dedi kompanııa basshysy.
Belgili bolǵandaı, ótken jyly kompanııa 8,6 mlrd. teńge kóleminde taza tabysqa qol jetkizdi.
