2014 jyly Qazaqstanda sanıtarlyq avıatsııa 1874 ushyrylym jasady
ASTANA. QazAqparat - 2014 jyly Respýblıkalyq sanıtarlyq avıatsııa ortalyǵy 1874 ret shaqyrtý alyp, 1735 naýqasty tasymaldady. Sonymen qatar olar barǵan jerinde 140 operatsııa jasap, 500-ge tarta konsýltatıvtik qyzmet kórsetti.
«Sanıtarlyq avıatsııa dárigerleri akýsherlik jáne gınekologııalyq, náresteler jáne balalar patologııasy, qan aınalymy júıesi, hırýrgııalyq, terapevtik aýrýlar, jaraqattanýshylyq, kúıip qalý jáne ýlaný, jol-kólik oqıǵalarynan zardap shekken jaǵdaılarda medıtsınalyq kómek kórsetti», - delingen QR Densaýlyq saqtaý jáne áleýmettik damý mınıstrligi málimetinde.
Atap aıtqanda, 2014 jyly barlyǵy 2365 naýqasqa medıtsınalyq qyzmet, onyń ishinde akýsherlik-genıkologııalyq patologııamen - 428 áıelge, jańa týylǵan nárestelerge - 390, balalar jasyndaǵy aýrýlarmen - 538 balaǵa, jaraqattanýshylyq boıynsha - 496 adamǵa (onyń ishinde jol-kólik apatynda zardap shekkenderge - 183), qan aınalymy júıesi aýrýlarymen 342 naýqasqa kómek kórsetildi.
